Kuvendi Komunal i Gjakovës, ka njoftuar se është zhvilluar ceremonia e varrimit të Vegim Kasim Qerkezi, djali që u rrëmbye nga forcat serbe në mars të vitit 1999.

Në njoftim bëhet e ditur se ceremonia e varrimit do të mbahet me fillim prej orës 13:00.

Aty po ashtu potencohet se për shkak të situatës me pandeminë, të gjithë pjesëmarrësit  në këtë ceremoni janë të obliguar të mbajnë maska mbrojtëse, shkruan Reporteri.

Njoftimi i plotë:

Ditë më parë është identifikuar bashkëqytetari ynë Vegim Kasim Qerkezi, i rrëmbyer nga forcat serbe gjatë muajit mars të vitit 1999.

Në nderim të tij, komuna e Gjakovës bashkë me Komisionin Qeveritar për Persona të Pagjetur organizojnë ceremoninë e rivarrimit të martirit Vegim Kasim Qerkezi.

Ceremonia mbahet nesër, e premte me fillim prej orës 13:00 dhe zhvillohet sipas kësaj agjende:

– Homazhe në Varrezat e Martirëve në Çabrat të Gjakovës

– Akademi për Vegim Kasim Qerkezin e cila poashtu mbahet në Çabrat dhe

-Ceremonia e rivarrimit të martirit.

VËREJTJE:

Për shkak të situatës në të cilën ndodhemi, të gjithë pjesmarrët në këtë ceremoni janë të obliguar të mbajnë maska mbrojtëse.