Instituti Kombëtar i Shëndetësisë Publike të Kosovës, ka lansuar një fushatë kundër diskriminimit të personave të infektuar dhe të shëruar nga virusi corona.

Për këtë fushatë u realizua një video vetëdijësuese e cila u publikua në faqen zyrtare të Institutit në rrjetin social Facebook, shkruan Reporteri.net.

Në fushatën e cila u publikua me mbishkrimin “dashni e kujdes”, thuhet se diskriminimi i personave të infektuar me coronavirus, mund të ndikojë që qytetarët të mos kërkojnë shërbime mjekësore.

Si pasojë e kësaj, ata do ta mbajnë të fshehur infektimin e tyre dhe do të shpërfillin rregullat të cilat parandalojnë përhapjen e virusit.

Kjo është video e fushatës:

/Reporteri.net