Inspektorati Policor i Kosovës ka rekomanduar suspendimin nga puna të një rreshteri të policisë kufitare, shkruan Gazeta Online Reporteri.net.

Siaps IPK-së, rreshteri i Policisë Kosovës dyshohet për veprën penale “Lëndim i lehtë trupor” në qytetin e Vitisë.

Rasti raportohet të ketë ndodhur të martën rreth orës 21:00, pas një mosmarrëveshje mes tij dhe një qytetari lidhur me një kontest pronësor.

Komunikata:

Hetuesit e Inspektoratit Policor të Kosovës (IPK) i kanë rekomanduar Policisë së Kosovës suspendimin për një rreshter policor të policisë kufitare të PK-së.

IPK ka parashtruar rekomandimin për suspendim pasi që ndaj rreshterit policor është iniciuar një hetim penal që do të zhvillohet në koordinim me Prokurorinë Themelore Gjilan lidhur me veprën penale “Lëndim i lehtë trupor”.

Incidenti ku është përfshirë si i dyshuar zyrtari policor raportohet të ketë ndodhur në qytetin e Vitisë më 24.03.2025 rreth orës 21:00, pas një mosmarrëveshjeje të zyrtarit policor me një qytetar lidhur me një kontest pronësor.

Veprimet hetimore janë duke u ndërmarrë në koordinim me Prokurorinë e Shtetit përderisa rasti trajtohet në procedurë të rregullt.

Hetuesit e IPK-së pritet të ndërmarrin edhe veprime të tjera hetimore drejt ndriçimit të të gjitha rrethanave për këtë rast.

/Reporteri.net/