Kryetari i LDK-së përmes një postimi në Facebook ka thënë se është lajm i mirë që Kosova po vazhdon të kryesojë më rritje ekonomike krahasuar me vendet e rajonit, shkruan Reporteri.net

“Është lajm i mirë se Kosova po vazhdon të kryesojë me rritjen ekonomike krahasuar me vendet në regjion”, ka thënë Mustafa.

Por, sipas tij, është lajm i keq për Kosovën pasi që në vitin 2018 ka humbur 17 mijë vende të punës, dhe se kjo rritje ekonomike nuk po krijon vende të reja pune.

“Por është lajm i keq se në vitin 2018 kemi humbur 17 mijë vende të punës dhe se kjo rritje ekonomike, e bazuar në investime publike, nuk po gjeneron vende të reja të punës. Përkundrazi! Në Kosovë, në dy vitet e fundit, po rritet shkalla e papunësisë dhe po zvogëlohen investimet e huaja direkte”.

Ai tutje ka thënë që institucionet e Kosovës janë të preokupuara me politika populliste dhe stilin “kush është më i forti”.

“Derisa institucionet e Kosovës janë të preokupuara me politika populliste, në stilin “kush është më i forti” dhe “kush kujtë”; kush po ndërton më shumë autostrada afër katundit dhe regjionit të vet e kush po shet më shumë tenderë”, ka shkruar Mustafa./Reporteri.net