Lidhja Demokratike e Kosovës, do të mbajë Kuvendin Zgjedhor më 3 gusht. Kështu ka vendosur kryesia e LDK-së.

Në njoftimin e lëshuar nga kjo parti opozitare, thuhet se të gjitha organet e LDK-së do të përmbyllin përgatitjet e nevojshme për mbarëvajtjen e Kuvendit.

“Kuvendi i LDK-së do të ketë karakter solemn ku do të rikonfirmohet puna dhe performanca e LDK-së, fuqia politike dhe lidhja e fuqishme tridhjetëvjeçare e LDK-së me popullin e Kosovës”, thuhet në njoftim.

Zgjedhjet e brendshme në degë dhe nëndegë të ndryshme të Lidhjes Demokratike të Kosovës, janë përcjellë me përleshje dhe rrahje fizike dhe me gjuajtje të karrigeve./Reporteri.net/.