×
  • Lajme
  • Lajme

    Ish ministri i Qeverisë Kurti: Vuçiq me modelin e Titos po rikthen hegjemoninë rajonale

    Reporteri
    23 Shtator 2020 | 13:12

    Ish-ministri për Integrime në Qeverinë Kurti, Blerim Reka ka dalë me një deklaratë rreth nënshkrimit të marrëveshjes mes DFC amerikane dhe shtetit serb duke e thënë se presidenti serb, Aleksandër Vuçiq po vepron si Tito edhe me lindjen, por edhe me perëndimin.


    Sipas Rekës, Vuçiq vazhdon të kopjojë modelin e Titos, edhe me lindjen dhe me përendimin; por i modifikuar në atë “kundër Kosovës dhe kundër NATO-s”.

    Ai thotë se me paranë amerikane, me fondet e BE-së, bazën ushtarake ruse, teknologjinë kineze dhe ”Mini- Shengenin” ballkanik, Serbia ri-kthen hegjemoninë rajonale.

    Ky është shkrimi i plotë i Rekës:

    Ri-kthimi i hegjemonit

    Një ditë para nënshkrimit të marrëvshjes me DFC amerikane për ndërtime infraskturore prej 3,7 miliardë dollarësh, Serbia nënshkroi marrëveshje infrastrukturore me Rusinë. Me 21 shtator, në prani të drejtorit të “Hekurudhave Ruse” dhe ambasadorit rus në Beograd, Ministria e Ndërtimtarisë e Serbisë nënshkroi me kompaninë ruse “RZHD International”, kontratën për modernizimin dhe rekonstruimin e hekurudhës Beograd- Tivar prej 209,4 kilometrash.

    Presidenti i Serbisë, vazhdon të kopjojë modelin e Titos: edhe me lindjen dhe me përendimin; por i modifikuar nga Vuqiqi: “kundër Kosovës dhe kundër NATO-s”. Ish Ministri i diktatorit Millosheviq, madje duket se do ia kalojë edhe diktaturës titiste: në ish Jugosllavinë një-partiake (23 milionëshe), LKJ numëronte rreth 900 mijë anëtarë; kurse në Serbinë shumë-partiake (6,9 milionëshe) partia e Vuqiqit- SNS ka 750 mijë anëtarë.

    Me paranë amerikane, me fondet e BE-së, bazën ushtarake ruse, teknologjinë kineze dhe ”Mini- Shengenin” ballkanik, Serbia ri-kthen hegjemoninë rajonale.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!