Presidenti i Kosovës, Hashim Thaçi gjatë ditës së sotme është takuar me homologun e tij në Shqipëri, Ilir Meta.

Thaçi ka njoftuar se në takim kanë shprehur gatishmëri për vazhdimin e bashkëpunimit mes dy vendeve për të kaluar pasojat e pandemisë.

“Me Presidentin e Shqipërisë, Ilir Metën, sot bisedova për rikthimin në normalitet të plotë të jetës së qytetarëve të dy shteteve tona. Sa më shpejt që dy qeveritë e rifillojnë bashkëpunimin, aq më shpejt do t’i rimëkëmbim edhe ekonomitë e vendeve tona”, ka shkruar Thaçi.

Ai po ashtu në takim ka bërë të ditur se është biseduar edhe për zhvillimet e fundit politike në Kosovë, e në veçanti për dialogun me Serbinë.

“Ne biseduam edhe për rëndësinë rifillimit të dialogut me Serbinë, i cili presim t’i përmbyllë të gjitha çështjet e hapura me Serbinë dhe të sjellë njohje reciproke ndërshtetërore.

Kosova dhe Shqipëria kanë qenë gjithmonë në krahë të njëra-tjetrës dhe si të pandara duhet ta vazhdojnë rrugën e integrimit euroatlantik!”, ka shkruar Thaçi.

https://www.facebook.com/HashimThaciOfficial/posts/3859605334109797?__xts__%5B0%5D=68.ARAVNdCPsF8kWb8M4OeMxgby3p4lNRMSo4v9jF-B7OUQBkd1LoYALtj2lmNHzoH-rKpmyWdZ0Im1jJPEDX_Jrf_ShJ5WDqchEUW62PT1Bkk0WEbOwk8ognZah-WVyRGMARgwWc9p2oiYHhbO6Td_MN2fp9Lacs2gUEl0WKoqEMzdhR5BuUInv_k4Sv_MlFl5f7_fULCB8Xp9FpVIvQ6Gb-02D0Ocxd3RlMiqNBnoWpHokAE8gKZt0UWD6zHJ-X-PyNdMkdmfOyZAsNUxZxlnE1W43299lAgjtyEU1p1gvaG3N4cWpyyHtF8pd8QklZiSv0ffPHw49FHxKfIKfz3p4CWT7A&__tn__=-R