Zëvendëskryeministri nga radhët e LDK-së në Ministrinë e Kulturës, Ismet Beqiri, ka thënë se “me miq dhe shtet nuk mund të luhet”.

Këto fjalë u thanë duke komentuar reagimet e sotme të zyrtarëve amerikanë, të cilët po thonë se Kosova mund ta humb partneritetin me ta nëse nuk plotësohen kërkesat, shkruan Reporteri.net.

Ndër të tjera, zyrtari i lartë i LDK-së, thotë se partia e tij do ta zgjidhte me parë miqësinë me Amerikën sesa koalicionin me VV-në.

“Pa miq, pa përkrahjen e partnerit tonë kryesor SHBA-ve nuk mund te ketë as qeveri dhe as Kosovë stabile. LDK në mes partneritetit-koalicionit qeverisës e me tendencë të humbjes së përkrahjes së miqëve dhe partneritetit me SHBA-të duhet të jetë dhe është për këtë të dytën, pa asnjë dilemë. Duhet të reflektojmë urgjentisht. Me miq dhe shtet nuk mund të luhet”, ka thënë Beqiri.

Sidoqoftë, edhe kreu i LDK-së Isa Mustafa, theksoi se LDK-ja ka primare raportin me Amerikën, duke i bërë thirrje Qeverisë që të reflektojë lidhur me kërkesat. Mustafa, madje, ka dërguar në Amerikë Skënder Hysenin, për të biseduar nga afër me emisarin special për dialogun, Richard Grenell./Reporteri.net