Zëdhënësi i Ushtrisë Çlirimtare të Kosovës, Jakup Krasniqi, sot është paraqitur për herë të parë para Gjyqtarit të Procedurës paraprake në Tribunalin Special në Hagë.

Ish-kryeparlamentari i Kosovës, ka kritikuar ashpër faktin që Gjykata Speciale në aktakuzat e saj anëtarët e Shtabit të Përgjithshëm të UÇK-së u referohet si “ndërmarrje e përbashkët kriminale”, shkruan Reporteri.net.

Krasniqi ka deklaruar se asnjëherë nuk ka trajtuar asnjë njeri në jetën e tij ashtu siç është trajtuar ai nga ndërtesa e burgut deri në këtë ndërtese.

“Në aktakuzë po na quani ndërmarrje e përbashkët kriminale. Unë deklaroj sot se kurrë në jetën time, në asnjë rast të vetëm nuk i kam trajtuar njerëzit as kaq, sa e si më trajtuat mua, nga ndërtesa e burgut e deri në këtë ndërtesë. E theksoj, s’kam trajtuar kurrë kështu njerëz”, ka thënë ndër tjerash Krasniqi.