Drejtori ekzekutiv i Agjencisë Kosovare të Privatizimit, Arben Limani ka dhënë dorëheqje, shkruan Gazeta Online Reporteri.net.

Kjo u bë e ditur përmes një komunikate të lëshuar për media nga AKP-ja, ku thuhet se dorëheqje u bë në mbledhjen e mbajtur sot, ku Limani njoftoi Bordin e Drejtorëve.

Komunikata e plotë:

Prishtinë – Bordi i Drejtorëve të Agjencisë Kosovare të Privatizimit mbajti mbledhjen e rregullt me ç‘rast diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit.

Gjatë kësaj mbledhje, Bordi i Drejtorëve i shqyrtoi dhe i miratoi 31 rastet rekomanduese nga Divizioni i Shitjes Direkte (17 aprovime dhe 14 refuzime).

Gjatë kësaj mbledhje, z. Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare.