Drejtori i Gazetës Online “Reporteri.net”, Bekim Kabashi ka thënë se kryeministri Albin Kurti është i vetëdijshëm se nuk mund ta vendosë reciprocitetin me Serbinë.

“Kurti është i vetëdijshëm se nuk mund ta vendos reciprocitetin sepse i nxjerr telashe të mëdha vetes. Nëse ka vendos Kurti me qeverisë qetë për katër vite, nuk do të bëjë veprime që ia cenojnë stabilitetin e tij vetëm nëse është i interesuar të heq dorë e të mos vazhdojë tutje”, tha Kabashi në Politiko të Kanal 10, shkruan Reporteri.net.

Ai tha se në fund të qeverisjes Kurti 1, ai e vendosi reciprocitetin dhe ia la si ‘patate të nxehtë’ në duar ish-kryeministrit, Avdullah Hotit.

Kabashi tutje u shpreh se Kurti së fundmi duket pak i strukur, gjersa shtoi se do t’i marrë me rezerva tani e tutje ato që thotë kreu i ekzekutivit.