Deklarata e anëtarit të Presidencës së Bosnjës, Milorad Dodik, se Presidenca e BiH më në fund ka marrë vendim për të mos njohur pavarësinë e Kosovës, u demantua nga kabineti i Zeljko Komsiq.

Komsiq ka thënë se nuk ka pasur vendim të tillë, transmeton Reporteri.

“Nuk ka vendim. Nëse ka, le ta tregojë Dodik. Ai nuk do ta tregojë sepse nuk e ka”,  kanë thënë për portalin kroat Klix.ba nga kabineti i anëtarit të Presidencës së BiH, Zeljko Komsiq.

“Ju kujtojmë se në konferencën e sotme për shtyp të Milorad Dodik, pas seancës së sotme të Presidencës, u tha për vendimin që vendi ynë refuzon të njohë Kosovën, dhe Dodik paraqiti anën e tij të historisë se si u mor ai vendim”, thuhet në reagim.  /Reporteri.net