Kadri Veseli jep indikacione që mund të futet në qeverinë Hoti

Lajme

Kadri Veseli jep indikacione që mund të futet në qeverinë Hoti

Reporteri

25 Gusht 2020 | 12:15

Kreu i PDK-së, Kadri Veseli, edhe pse disa herë ka thënë se partia e tij nuk do të bëhet pjesë e qeverisë Hoti, ai së fundmi ka dhënë indikacione se mund të ndodhë e kundërta.

Gjatë takimit me strukturat e partisë në Dragash, Veseli ka bërë një deklaratë që mes rreshtash mund të kuptohet si një paralajmërim se partia e tij do të bëhet pjesë e qeverisë aktuale.

“Do t’i përgjigjemi me dinjitet dhe integritet të gjitha zhvillimeve që lidhen me interesin nacional të vendit. PDK-ja është opozitë e pushtetit por jo e shtetit”, ka thënë Veseli, shkruan Reporteri.net.

Lexo edhe:

Trump: Duhej të më jepnin çmimin Nobel për dialogun Kosovë-Serbi

Pjesa veriore e Mitrovicës nesër mbetet pa ujë, shkak punimet në rrjetin e ujësjellësit

Vasfije Krasniqi rrëfen historinë e saj në OKB: Drejtësia është detyrim

Njoftimi i plotë i PDK-së pas takimit me strukturat e partisë në Dragash:

Kryetari Veseli takon strukturat partiake në Dragash

Kryetari i PDK-së, Kadri Veseli, ka vizituar strukturat e partisë në Dragash. I shoqëruar nga Sekretari i Përgjithshëm, Uran Ismaili; anëtari i kryesisë, Enver Hoxhaj, Sekretari Elektoral, Betim Gjoshi, ai ka përgëzuar lidershipin dhe anëtarët e kësaj partie për punën e mirë që po e bëjnë. Njherësh, ka kërkuar edhe më shumë mobilizim e angazhim në shërbim të qytetarëve.

PDK është e konsoliduar dhe strukturuar fuqishëm në Dragash dhe gjithandej Kosovës.
“Do t’i përgjigjemi me dinjitet dhe integritet të gjitha zhvillimeve që lidhen me interesin nacional të vendit. PDK-ja është opozitë e pushtetit por jo e shtetit ” ka thënë Veseli.

Edhe kryetari i Komunës, Shaban Shabani dhe kryetari i degës së PDK-së, Vehbi Nazifi kanë falendëruar kryetarin Veseli dhe anëtarët e kryesisë duke premtuar angazhim në shërbim të qytetarëve, si dhe për të forcuar më shumë PDK-në.

https://www.facebook.com/PDKqender/posts/3279389562107067?__xts__%5B0%5D=68.ARDQSl6TbYB6MJe-4HQ8LERup_ZzNuhrSOUKJBgjjHHahATNtmdGktSUNSxar0IpcR9okQq5qEeZvPxM8JKkxqXAVD_jEYneLHKSzfjfGMdVnGqXUw4dVgQXYQUe3aD6gc6Wl8AFt3UYNXcTfPLqimuLG1XzoVn75JlaQ02d57QAiBy5RZMAU_W7Sn4d_zxVuUNSOp77H_fyFjDCFzZui3j4nzhzNnS4j84_1nb3fJ1FawDUYsESMIhM8wx8VO_ycZ90q51hweCYbrsh2Bmvs8-c2ZxGyGSTmlY14lgpBgUAMtpvMwJdi9ZhyV82K-UwMCJZWSdL5F4OQvCZ898JZiS5kkvALgMpkm5Fj_9NPugqtASzYT4sMtbz&__tn__=-R

Shpërndaje: