Komuna e Kamenicës që udhëhiqet nga Kadri Rahimaj i Lëvizjes Vetëvendosje, do të shpenzojë gati 25 mijë euro për dekorimin e sheshit të qytetit për festat e fundvitit.

Sipas njoftimit të publikuar në KRPP, kjo komunë kishte paraparë të shpenzojë 31 mijë euro, shkruan Gazeta Online Reporteri.net.

Kjo kontratë i është dhënë grupit të operatorëve ekonomike “Te Fatosi” SHPK, për vlerën 24 mijë e 923 euro, 6 mijë euro më pak sesa ishte planifikuar.

Kujtojmë që vitin e parë kur e mori detyrën, kjo komunë ishte nga të paktat që nuk e dekoruan sheshin.