Kryetari i Kuvendit të Kosovës, Glauk Konjufca ka thënë se Kosova dhe populli i saj qëndrojnë pranë familjeve të viktimave dhe popullit gjerman që po përballen me momente të vështira si pasojë e vërshimeve që kanë marrë shumë jetë njerëzish.

Përmes një postimi në Facebook, Konjufca ka thënë se, “Gjermania, vendi mik i Republikës së Kosovës, po kalon nëpër momente të vështira dhe me pasoja tragjike”.

“Si pasojë e motit të keq, përveç përmbytjeve të mëdha gjithandej vendit, deri më tani njoftohet se kanë humbur jetën mbi 50 njerëz dhe shumë të tjerë figurojnë të zhdukur. Në këto çaste tragjike, Kosova dhe populli i saj janë me shpirt, zemër, mendje e dhembje pranë familjeve të viktimave dhe mbarë popullit mik gjerman”, shkruan Konjufca.

Ai tha po ashtu se “lutemi për fatin e të zhdukurve dhe që këtë fatkeqësi natyrore shteti mik gjerman ta kalojë sa më parë dhe më sa më pak pasoja”.

Ndryshe, të paktën 80 njerëz kanë vdekur dhe qindra të tjerë janë zhdukur në Gjermani pas disa nga përmbytjet më të mëdha në dekada.

Reshjet rekord të reshjeve në Evropën perëndimore bënë që lumenjtë të shpërthenin brigjet e tyre, duke shkatërruar rajonin.

Belgjika gjithashtu ka raportuar të paktën 11 të vdekur pas motit ekstrem, të cilin liderët politikë e kanë fajësuar ndryshimin e klimës