Katër persona kanë mbetur të lënduar si pasojë e një aksidenti komunikacioni  që ka ndodhur sot në magjistralen Prishtinë-Pejë.

Nga Policia e Kosovës kanë thënë për gazetën online Reporteri.net se në aksidentin që ka ndodhur rreth orës 17:00 janë përfshirë tri vetura.

“Policia është njoftuar për një aksident trafiku të ndodhur rreth orës 17:00 në rrugën nacionale Prishtinë-Pejë (te Praku i Biznesit). Njësiti policor që i është përgjigjur rastit, njofton se në aksident janë përfshirë tri vetura, katër persona kanë kërkuar ndihmë mjekësore”, kanë thënë nga Policia e Kosovës për Reporteri.net.

Në pamjet e publikuara më parë nga gazeta online Reporteri.net shihet një kombibus që është rrokullisur.