Katër perosna kanë marrë lëndime trupore në një aksident në magjistralen Prishtinë-Pejë, saktësisht në Vragoli.

Lexues të Gazetës Online “Reporteri.net” kanë dërguar fotografi nga vendi i ngjarjes.

Lajmi është konfirmuar edhe nga Policia e Kosovës.

Zëdhënësi i Policisë, Bajram Krasniqi ka thënë se nga ky aksident kanë mbetur të lënduar katër persona.

“Rreth orës 18:00, policia është njoftuar për një aksident trafiku në rrugën nacionale Prishtinë-Pejë (fshati Vragoli). Njësia policore e trafikut ka dalë në vend-ngjarje. Në aksident janë përfshirë dy vetura dhe si pasojë e aksidentit janë lënduar katër persona.”, ka thënë Krasniqi për Reporteri.net.