Zëdhënësi i Bankës Qendrore të Kosovës, Kushtrim Ahmeti është kërcënuar nga një qytetar. Rastin ai e ka raportuar në Policinë e Kosovës, shkruan Reporteri.net.

Siç mëson Gazeta Online Reporteri.net nga burime të saj brenda Policisë së Kosovës, Ahmeti në e-mailin e tij zyrtar, më datën 11 korrik kishte pranuar në e-mail kërcënues nga një qytetar me inicialet M.H.

“Keni me dhënë llogari deri në centin e fundit, kush i ka keqpërdorë paratë e mia”, i kishte shkruar M.H zëdhënësit të BQK-së.

Burime të Reporteri.net në Policinë e Kosovës thonë se prokurori ka nisur hetimet lidhur me këtë rast.