Prokuroria Speciale e Republikës së Kosovës, ka ngritur aktakuzë ndaj të pandehurit E.H pasi që dyshohet se kishte shantazhuar kreun e Aleancës Kosova e Re, Behgjet Pacolli, se do ta shpëtojë nga Gjykata Speciale duke i kërkuar shumën deri në 850 mijë euro.

Gazeta Online “Reporteri.net”, ka kontaktuar këshilltarin e Pacollit, Jetlir Zyberaj, i cili ka thënë se kreu i AKR-së, nuk ka qenë asnjëherë subjekt i Gjykatës Speciale e asnjë gjykate tjetër.

Po ashtu ai ka njoftuar se çdo kërcënim e shantazh, ata e kanë denoncuar në Policinë e Kosovës.

“Zoti Pacolli asnjëherë nuk ka qenë subjekt i gjykatës speciale e asnjë gjykate tjetër. Çdo kërcënim, shantazh e gjithçka tjetër, ne e kemi raportu në Polici. Zoti Pacolli nuk ka çka me thanë tjetër lidhur me këtë çështje.”, ka thënë Zyberaj për Reporterin. /Reporteri.net/