Komandanti i KFOR-it, gjeneralmajor Enrico Barduani është takuar sot  me shefin e EULEX-it, Giovanni Pietro Barbano.

Takimi është mbajtur në shtabin e KFOR-it, në “Camp Film City” në Prishtinë.

“Vizita e sotme ishte pjesë e shkëmbimeve të rregullta të komandantit të KFOR-it me homologët e tij kryesorë, në Kosovë dhe në mbarë rajonin”, thuhet në njoftim .

Barduani dhe Barbano sipas njoftimit në takim kanë përsëritur përkushtimin e tyre të përbashkët, si reagues i dytë dhe i tretë i sigurisë së Kosovës, dhe mbështetjen e tyre për Dialogun e lehtësuar nga BE-ja ndërmjetKosovës dhe Serbisë, si një faktor kyç për sfidat e sigurisë dhe stabilitetit në Kosovë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt dhe të sigurt për të gjitha komunitetet që jetojnë në Kosovë dhe lirinë e lëvizjes në çdo kohë dhe në mënyrë të paanshme. KFOR është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët punojmë në koordinim të ngushtë”.