Komandanti Angelo Michele Ristuccia, ka mirëpritur në selinë e KFOR-it, ndërmjetësuesin e BE-së në dialogun Kosovë-Serbi, Miroslav Lajçak.

Përpos me Ristuccia, Lajçak u takua edhe me shefin e Misionit të OSBE-së në Kosovë, Michael Davenport, shefen e UNMIK në Kosovë, Caroline Ziadeh dhe atë të EULEX-it, Lars-Gunnar Wigermark, transmeton gazeta online Reporteri.net.

Sipas njoftimit, në takim është diskutuar për rrethanat e tashme në Kosovë dhe Serbi dhe se si mundet që këto rrethana të ndryshohen ose jo në mënyrë që të mbështetet procesi i dialogut.

Në deklaratën pas takimit, KFOR ka ripërsëritur se e mbështet dialogun si platforma bazë e ndërtimit të sigurisë dhe paqes në rajon.

“KFOR-i mbetet jashtëzakonisht vigjilent për të vazhduar zbatimin e mandatit të #OKB-së, për të gjitha komunitetet që jetojnë në Kosovë. KFOR-i gjithashtu vazhdon të mbështesë dialogun e lehtësuar nga BE-ja si platforma kryesore për të ndërtuar paqen dhe sigurinë e qëndrueshme në të gjithë rajonin”, thuhet në deklaratën e KFOR-it në Twitter. /Reporteri.net/.

KFOR remains extremely vigilant to continue implementing #UN mandate, for all communities living in Kosovo. KFOR also continues to support the EU-facilitated dialogue as the main platform to build lasting peace and security across the region. pic.twitter.com/252mwyxANm

— NATO Kosovo Force – KFOR (@NATO_KFOR) March 10, 2023