Njësitë Shqiptare dhe Austriake të Rezervës Operacionale Shumëkombëshe  kanë përfunduar sot dislokimin e tyre në Kosovë, në mbështetje të misionit të udhëhequr nga KFOR-i.

Sipas njoftimit të KFOR-it, ato kanë zëvendësuar njësitë bullgare dhe grek.

“KFOR vazhdon të zbatojë mandatin e tij për të kontribuar në një ambient të sigurt dhe të qetë për të gjithë njerëzit dhe komunitetet në Kosovë, si dhe për të garantuar lirinë e lëvizjes, në çdo kohë dhe në mënyrë të paanshme. Misioni bashkëpunon ngushtë me Policinë e Kosovës dhe misionin e BE-së për sundimin e ligjit (EULEX), në rolet e tyre përkatëse si përgjegjës për sigurinë”, thuhet në komunikatë.

/Reporteri.net/