Kina, shteti i parë i deklaruar kundër anëtarësimit të Kosovës në Interpol

Zëvendëskryeministri i Serbisë, Nebojsa Stefanovic ka njoftuar se shteti i parë i cili është deklaruar kundër anëtarësimit të Kosovës në Interpol është Kina.


Këtë e ka bërë të ditur në deklaratën e tij pas takimit me ministrin e Punëve të Jashtme të Kinës, në Asamblenë e Përgjithshme në Interpol.

Sipas Stefanovic, Kina nuk ka ndryshuar aspak qëndrim në lidhje me anëtarsimin e Kosovës në Interpol.

Asambleja e Përgjithshme e kësaj organizate ndërkombëtare ka filluar konferencën 4 ditore nga sot deri më 18 tetor në Kili.