Kryeministri Ramush Haradinaj, i cili dha dorëheqje të parevokueshme nga posti i shefit të qeverisë nuk ka të drejtë të organizojë mbledhje të ekzekutivit.

Por me dorëheqjen e Haradinajt nuk do të thotë se ka rënë qeveria e Kosovës, njofton Klan Kosova.

Kushtetuta e Republikës së Kosovës parasheh që qeveria të bie vetëm në rast të shpërbërjes së Parlamentit të Kosovës, ndërsa një gjë e tillë ende nuk ka ndodhur, tek sa Kuvendi është ende funksional.

Bazuar në aktin më të lartë juridik në vend, pas dorëheqjes së parevokueshme të kryeministrit, barra e përgjegjësisë bie mbi zv. kryeministrin e parë, njofton Klan Kosova.

Kjo nënkupton se Behgjet Pacolli do të duhej të ushtronte pozitën e të parit të qeverisë, deri në një vendim të radhës të presidentit të vendit, i cili detyrohet gjejë zgjidhje në bazë të mandatit të tij Kushtetutës.

Presidenti i vendit Hashim Thaçi do të shkelte rëndë Kushtetutën poçese do të shpallte zgjedhje pas dorëheqjes së parevokueshme të kryeministrit Ramush Haradinaj, sikundër që i dorëhequri Haradinaj do ta bënte të njëjtën gjë poçese do të udhëhiqte Qeverinë e Kosovës pas aktit të tij të dorëheqjes së parevokueshme.