Klinika që iu arrestuan pronarët abuzoi me dokumentet e mjekëve që konkurruan për punë

Që rreth një vit, tre shtetas të Serbisë, së bashku me një biznesmen nga Kosova kanë hapur klinikën “BEL MEDIC INTERNATIONAL D.O.O.” në Graçanicë.


I gjithë stafi mjekësor në ditë të caktuara të javës kanë ardhur nga Serbia në Kosovë. Dy nga pronarët e Klinikës, A. A. mashkull shqiptar i Kosovës dhe L. S. serbe e Kosovës, janë arrestuar sot në orët e pasdites.

Siç i kanë thënë Kohës Ditore burimet e hetuesisë të përfshira në këtë proces penal të dy të arrestuarit kanë hapur konkurs për mjekë vendorë.

Pasi është hapur konkursi, aplikantëve u janë ndaluar dokumentet edhe pse nuk janë pranuar asnjëri në punë. Të njëjtat dokumente janë shfrytëzuar nga stafi i Klinikës për t’i dërguar në Ministrinë e Shëndetësisë që t’u mundësohet licencimi i Klinikës në emër të stafit vendor.

Në faqen e kësaj Klinike të gjithë mjekët e prezantuar janë serbë. Një nga shërbimet kryesore që kjo Klinikë sipas përshkrimit në faqen zyrtare thotë që e ka është trajtimi i mëtutjeshëm në Beograd.

Tentuan ilegalisht ta licencojnë poliklinikën, arrestohen një shqiptar dhe një serbe