Drenasi mbrëmë u shndërrua në një arenë përballjesh për të fituar kandidaturën për deputet.

Ajvaz Berisha, i njohur si komandant “Tigri”, ka arritur të marrë votat që të kandidohet për deputet në Këshillin e Qendrës së VV-së në Drenas, shkruan Reporteri.net.

Ai ka mundur Enver Dugollin, ndërkohë që Xhavit Drenori u largua nga gara. Të dy këta, nuk kanë reaguar fare.

Siç mësohet, kjo garë ishte mjaft e ashpër, pasi dy fytyra që u prit të kalojnë Këshillin, Dugolli e Drenori, dështuan.

Sidoqoftë, komandant “Tigri” ka qenë konsull i përgjithshëm në Gjermani, ndërkaq tani është profesor në Fakultetin e Shkencave Sportive./Reporteri.net/