Zyra e BE-së në Kosovë ka njoftuar se Komisioneri i BE-së për Fqinjësi dhe Zgjerim Oliver Varhelyi nesër do ta vizitojë Kosovën.

Përmes një komunikate për media Zyra e BE’së njofton se Varhelyi do të takohet me kryeministrin Avdullah Hoti, kryetaren e Kuvendit, Vjosa Osmani dhe udhëheqësit e opozitës.

“Nesër, 8 tetor, në Kosovë vjen për vizitë Oliver Varhelyi, Komisioneri i BE-së për Fqinjësi dhe Zgjerim. Gjatë vizitës, Komisioneri do të takohet me Kryeministrin Hoti dhe anëtarët e Qeverisë së Kosovës, si dhe udhëheqësit e opozitës. Ai do të takohet edhe me Kryetaren e Kuvendit dhe do të mbajë një fjalim para Kuvendit”, thuhet në komunikatë.