Komisioni për Buxhet dhe Financa sot do të mbajë mbledhjen e tij të rregullt ku do të shqyrtohen 9 pika.

Ndër pikat të cilat do të shqyrtohen është edhe ai i raportit të shpenzimeve të Kuvendit të Kosovës për tremujorin e parë të vitit 2019.

Po ashtu, do të bëhet shqyrtimi i raportit vjetor financiar të Zyrës Kombëtare të Auditimit dhe Radiotelevizionit të Kosovës për vitin 2018.

Anëtarët e këtij komisionit do të diskutojnë edhe për projektligjin për mbrojtjen e ajrit nga ndotja dhe amendamenteve të Komisionit Funksional për Bujqësi, Pylltari, Zhvillim Rural, Mjedis dhe Planifikim Hapësinor.