Komisioni vendos që Pacolli të mos pengohet në detyrën e tij, VV kërkon sqarim për votën e Etem Arifit për mocionin

Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë̈ Kundër Korrupsionit, sot ka shqyrtuar dy kërkesa atë të Kryetares së Kuvendit që ka të bëjë me mandatin e deputetit Etem Arifi, si dhe shqyrtimi i kërkesës së deputetit Behgjet Pacolli për interpretim të detyrave dhe funksionit të deputetit.


Deputeti i Lëvizjes VV-së, Artan Abrashi në një konferencë të mbajtur për media pas përfundimit të  mbledhjeve deklaroi se për shkresën e Osmanit për mandatin e deputetit Etem Arifi kanë vendosur unanimisht që të mos trajtojnë këtë çështje, dhe i ftojnë organet kompetente të kryejnë punën e tyre.

“Rasti i parë mendojmë që çështja është e qartë kur kemi të bëjmë me raste të gjykatës supreme nuk i takon komisionit të bejë interpretim, tashmë i takon organeve të rendit, ta trajtoj komisioni me vota unanime ka vendosur që nuk është çështje për trajtim komisioni i ka rekomanduar kryetares që të kenë parasysh legjislacionin në fuqi”, tha ai.

Abrashi gjithashtu theksoi se komisioni ka vendosur që deputeti Pacolli të mos pengohet në detyrën e tij.