Pas raportimit të Gazetës Online “Reporteri.net”, se kompania “Pestova”, ka gjuajtur mbeturina të produktit të saj “Vipa Qips”, në lumin Sitnica, komuna e Vushtrrisë e ka dënuar këtë kompani.

Në dokumentet e siguruara nga Reporteri.net tregojnë se Drejtoria e Inspeksionit në komunë të Vushtrrisë e ka dënuar me shumën 500 euro kompaninë në fjalë, për siç thuhet se e njëjta ka kryer kundërvajtje, pasi ka hedhur mbeturina në lumin Sitnica tek vendi i quajtur “vahu i kerreve”, shkruan Reporteri.net.

Kryetari i Vushtrrisë, Xhafer Tahiri, para se të shqiptohet dënimi kishte deklaruar për Reporteri.net se organet e drejtësisë do të merren me këtë rast.

Kompania “Pestova” e cila prodhon produktin “Vipa Qips”, në një përgjigje për Reporteri.net e pranoi se kanë hedhur mbeturina në lum, por thane se kjo ka ndodhur pa dijen e tyre për çka fajësuan punëtorin.

Më poshtë mund të shihni videon ku kompania në fjalë gjuan mbeturina në lumin Sitnica.