Gjatë ditës së hënë janë publikuar disa komunikime në mes të Koordinatores së Lëvizjes Vetëvendosje, Dejona Mihali dhe ish-kryeshefit të KEK-ut Nagip Krasniqi.

Mihali e informon Nagip Krasniqin për shkrimet e mediave se kompania GEN e lidhur me Martin Berishajn, kishte përfituar 4.2 milionë euro gjatë kohës së krizës energjetike, që Krasniqi e konfirmon se “pak a shumë është i vërtetë”.

Më vonë në komunikimet tjera, Mihali vendos se kur do të ketë reduktime të rrymës në Kosovë. Ajo e udhëzon Krasniqin që në ditë të caktuara të mos ketë reduktime.

Lidhur me publikimin e këtyre komunikimeve kanë reaguar nga Partia Demokratike e Kosovës. Sekretarja e Përgjithshme e PDK-së, Vlora Çitaku ka thënë se  Dejona Mihali nuk ka asnjë lloj peshe politike as relevance elektorale.  Ajo është shprehur se pas tërë kësaj qëndron lideri i VV-së, Albin Kurti i cili i merr vendimet.

“Pashë besën, mos u merrni me Dejona Mihajlin.
Ajo nuk ka asnjë lloj peshe politike as relevance elektorale. Nuk ka as rol historik. Asnjë lloj roli apo relevance nuk e ka, përveç funksionit që ia ndanë regjisori i cirkut.
Nagipi nuk kish me folë kurrë me të, sikur ajo mos të ishte e veshur me pushtet nga lideri suprem.
Nuk vendosë Dejona kur ndalet rryma. Lideri i VV vendosë. Dejona është thjeshtë altoparlanti”, shkruan Çitaku.

Platforma ‘Signal’ që njihet si më vështirë e përgjueshme, ka qenë forma më e shfrytëzuar për komunikim ndërmjet koordinatores së komiteteve në Vetëvendosje, Dejona Mihalit, dhe ish-kryeshefit të KEK-ut, Nagip Krasniqi. /Reporteri.net/

“A po vjen te ne… me kapelë”, publikohet një bisedë tjetër mes Dejona Mihalit dhe Nagip Krasniqit