Edhe një person nga Lipjani ka rezultuar pozitiv me virusin Covid-19.

Lajmin për Insajderin e ka konfirmuar edhe kryetari i kësaj komune, Imri Ahmeti. Ai ka thënë se personi ka qenë i karantinuar që nga data 08 prill 2020, dhe pas shfaqjes së simtomave ka rezultuar pozitiv.

Ahmeti ka thënë se pas rekomandimit të institutit shëndetësor do të ndërmarrin masat e nevjojshme.

“Po është e vërtetë. Personi është nga qyteti i Lipjanit, i datëlindjes, 1976. Ai ka qenë i karantinuar prej datës 08.04.2020 pasi që ka pas kontakt me një person tjetër që ka qenë i infektuar. Pas rekomandimeve të institutit shëndetësor ndërmarrin masat e nevjojshme”, ka thënë Ahmeti.

Ndryshe, nga qyteti i Lipjanit, tani rezultojnë dy persona të infektuar me Covid-19. Po ashtu është shëruar edhe një tjetër.