Kryetari i Kuvendit, Glauk Konjufca, ua ka uruar besimtarëve ortodoksë Krishtlindjen.

Në njoftimin e lëshuar nga ai në Facebook thuhet se mesazhet e ngrohtësisë, paqes, solidaritetit dhe respektit qofshin ato të cilat përshkojnë këtë ditë të kremtimit e festimit.

Konjufca shkroi se në frymën e “mirësisë ndaj njëri-tjetrit” dëshiron t’ua urojë këtë festë “të gjithë qytetarëve tanë serbë të besimit ortodoks”.

“Në frymën e mirësisë ndaj njëri-tjetrit dhe shpresës së përbashkët për njëri-tjetrin me të cilën vjen kjo festë, dëshiroj që të gjithë qytetarëve tanë serbë të besimit ortodoks t’ua uroj Krishtlindjen!”

“Gëzuar Krishtlindjen e kalendarit julian, mbarësi e gëzime në familjet tuaja!”, ka shkruar Konjufca./Reporteri.net/