Kryetari i ri i Kuvendit të Kosovës që u zgjodh sot, Glauk Konjufca, do të jetë edhe ushtrues i detyrës së presidentit të Kosovës.

Ai mori përkrahjen e 69 deputetëve për ta udhëhequr Kuvendin, e me automatizëm bëhet edhe drejtues i Presidencës së Kosovës, shkruan Gazeta Online Reporteri.net.

Konjufca për mediat nuk e përjashtoi se sot do të nisë drejt pretendentit për kryeministër, Albin Kurti letrën për formimin e Qeverisë.

Ai ka thënë se janë disa procedura teknik që duhet ndjekur, por nuk e ka përjashtuar që kjo të ndodhë pas disa orëve.

“Për gjithçka tjetër do të ju njoftoj me kohë sepse janë disa procedura teknike, nuk e përjashtojmë që pas disa orëve kjo do të ndodhë”, u shpreh Konjufca.