Konjufca: Porosia e kësaj feste është solidariteti, mbështetja dhe sakrifica e përgjithshme

Kryetari i Kuvendit të Kosovës, Glauk Konjufca, ka vizituar Bashkësinë Islame të Kosovës me rastin e festës së Kurban Bajramit, duke thënë se BIK ka bërë një punë të jashtëzakonshme sa i përket fesë Islame në Kosovë.


“Mesazhi dhe porosia e kësaj feste është solidariteti, mbështetja dhe sakrifica e përgjithshme, t’i ndihmojmë njëri-tjetrit dhe atyre që kanë nevojë”, është shprehur Konjufca.

Gjatë ditës, me rastin e festës së Kurban Bajramit, Myftiun Ternava dhe BIK-un e kanë vizituar edhe krerët e partive opozitare në vend.