Kryeparlamentari Glauk Konjufca ka komentuar ndërprerjen e sotme të seancës së Kuvendit kur edhe pritej të hidhej në votim Projektligji për Trustin.

Konjufca mendon se një veprim i tillë për tërheqje të parave nga Trusti është i gabuar pasi dëmton vetë skemën pensionale, transmeton Gazeta Online Reporteri.net.

“Me këtë shkatërrohet Trusti. Heqja e qindra miliona eurove të Trustit do të dëmtojë skemën, por edhe besueshmërinë e Kosovës në skenën ndërkombëtare”, ka thënë ai në ATV.

Konjufca gjithashtu tha se edhe nëse mundësohet tërheqja, kjo do të ishte një ndihmesë shumë e vogël për qytetarët teksa shtoi se ai vetë nuk i kishte tërhequr 10% të kursimeve gjatë krizës së pandemisë.

Kujtojmë se seanca e sotme e ndërprerë, me vendim të kryeparlamentarit Konjufca, do të vazhdojë nesër me fillim nga ora 10:00. /Reporteri.net/.