Kryetari i Lidhjes Demokratike të Kosovës, Isa Mustafa, ditë më parë nuk e ka përjashtuar mundësinë që Nisma Socialdemokrate të jetë pjesë e qeverisë së ardhshme, nëse kjo e fundit e kalon pragun zgjedhor dhe po ashtu nëse për këtë dakordohet partneri kryesor qeverisës, Lëvizja Vetëvendosje.

Por kjo e fundit thotë se nuk është aq e rëndësishme nëse partia e Fatmir Limajt do të jetë pjesë e ekzekutivit të ri.

Glauk Konjufca nga VV-së në Dukagjin ka deklaruar se NISMA nuk mund të ndikoj në prishjen e një koalicionit në mes partisë së tij dhe LDK-së.

“Nuk mendoj që është çështja më e rëndësishme nëse Nisma do të jetë në qeverinë e Kosovës, nuk mendoj që përfshirja a po mos përfshirja e Nismes përbën një element përreth të cilit shtizat thehen deri në prishje të koalicionit në mes VV-LDK”, ka deklaruar Konjufca.