Nga Prokuroria Speciale është bërë e ditur se procesi i sotëm zgjedhor në katër komunat veriore është zhvilluar pa asnjë incident.

Koordinatorja Nacionale për zgjedhje, Laura Pula ka njoftuar njofton opinionin se procesi i votimit për kryetar të komunave, Leposaviq, Zubin Potok, Zveçan dhe Mitrovica e Veriut, i cili është zhvilluar sot, ka përfunduar pa asnjë rast i cili ka mundur të ndikoj në prishjen e procesit të votimit.

“Gjithashtu, ju njoftojmë se kemi përcjellur edhe procesin e numërimit të votave, i cili ka përfunduar pa asnjë problem”, thuhet në njoftimin për media.

Kujtojmë se kryetarja e KQZ-së, Valdete Daka, ka bërë të ditur të dhënat nga dalja e qytetarëve në zgjedhjet e sotme, ku deri në ora 19.00 kanë votuar gjithsej 42.42 për qind.

/Reporteri.net/.