Ambasadori amerikan në Kosovë, Philip Kosnett, ka njoftuar për një takim virtual të mbajtur ndërmjet zyrtares së Pentagonit, Laura Cooper, Ministrit të Mbrojtjes Armend Mehaj dhe komandantit të FSK-së, Rrahman Rama.

Kosnett takimin e ka njoftuar nëpërmjet një postimi në ‘Twitter’, teksa ka thënë se është diskutuar lidhur me transformimin e FSK-së në ushtri.

“Diskutime të hollësishme me zyrtaren e Pentagonit, Laura Cooper, Ministri Mehaj, & Gjenerallejtënant i FSK-së Rama për angazhimin tonë të përbashkët për koordinimin SHBA-Kosovë në lidhje me planin 10-vjeçar, i cili është kyç për transformimin e FSK’së në një forcë mbrojtëse të ndërveprueshme me SHBA dhe NATO-n”, thuhet në njoftim.