Ambasadori amerikan në Prishtinë, Philip Kosnett, është parë të jetë i pranishëm në “Paradën e Krenarisë” në Prishtinë.

Ai ka ecur bashkë me turmën rrugëve të qendrës së Prishtinës, shkruan Reporteri.net.

Tubimi ka filluar në orën 11:30 në sheshin “Skënderbeu”, ndërsa në orën 12:00 ka filluar ecja drejt sheshit e cila do të përfundojë tek sheshi “Zahir Pajaziti” me një fjalim që adreson mesazhin e Javës së Krenarisë për këtë vit.

Parada do të përfundojë më një koncert të shkurtër.

Në këtë paradë janë parë edhe fytyra të tjera publike si ish-ambasadorja e Kosovës në SHBA, Vlora Çitaku, deputetja Adriana Matoshi, aktorja Shëngyn Ismaili, drejtori i Kulturës në Komunën e Prishtinës, Adrian Berisha, anëtarë të Partisë Socialdemokrate etj., që kanë dalë në mbështetje të këtij komuniteti.

Kujtojmë se paradës i kanë paraprirë aktivitete të shumta përgjatë Javës së Krenarisë.

Përmes këtyre aktiviteteve është synuar fuqizimi i personave LGBTI.

Java e Krenarisë edhe këtë vit ka adresuar çështje të gjendjes aktuale të personave LGBTI në shoqërinë kosovare.