Ambasadori i Shteteve të Bashkuara të Amerikës në Kosovë, Philip Kosnett, ka bërë të ditur se mbrëmjen e së hënës bashkë me kryeministrin e vendit, Albin Kurti, kanë biseduar me Përfaqësuesin Special të Departamentit të Shtetit për Ballkanin Perëndimor, Matthew Palmer.

Përmes një postimi në rrjetin social Twitter, Kosnett ka thënë se këto bisedime kanë qenë productive dhe se dialogu i ndërmjetësuar nga Bashkimi Evropian mbetet qenësor për suksesin në ekonomi dhe procesin e integrimeve, shkruan Reporteri.net.

“Diskutim i gjerë, produktiv me PM @AlbinKurti dhe Matt Palmer të Departamentit të Shtetit mbrëmë. Procesi i dialogut i udhëhequr nga BE mbetet thelbësor për suksesin ekonomik të Kosovës dhe integrimin Euro-Atlantik.”, ka shkruar ai në Twitter.

Wide-ranging, productive discussion with PM @AlbinKurti and State Dept.’s Matt Palmer last night. The EU-led dialogue process remains essential to Kosovo’s economic success & Euro-Atlantic integration.

— Ambassador Jeff Hovenier (@USAmbKosovo) April 27, 2021

Kurti bëri këtë diskutim me Kosnett dhe Palmer një ditë para se të niset për në Bruksel ku pritet të takohet me përfaqësues të BE-së.

Ai do të takohet me presidentin e Parlamentit Evropian, David Sassoli, presidenten e Komisionit Evropian, Ursula vor der Leyen dhe shefin e diplomacisë evropiane, Josep Borrell. /Reporteri.net