Sot Republika e Kosovës shënon 17-vjetorin e pavarësisë së saj. Më 17 shkurt të vitit 2008, Kuvendi i Kosovës shpalli pavarësinë e vendit, duke e bërë atë shtet të pavarur, sovran dhe demokratik.

Për të festuar këtë përvjetor, institucionet e vendit kanë përgatitur aktivitete të ndryshme.

Zyra e Presidentes, Vjosa Osmani dhe Zyra e Kryeministrit Albin Kurti kanë publikuar agjendën e aktiviteteve për shënimin e 17-vjetorit të Pavarësisë së Kosovës.

Aktivitetet fillojnë nga ora 08:00 me mbledhjen festive të Qeverisë së Kosovës dhe përfundon në ora 18:00 me pritjen shtetërore nga Presidentja, Kryeparlamentari dhe Kryeministri i Republikës së Kosovës, shkruan Reporteri.net.

Agjenda e Presidentes:

Presidentja e Republikës së Kosovës, Vjosa Osmani me rastin e 17 vjetorit të Pavarësisë së Republikës së Kosovës, do të marrë pjesë në një sërë aktivitetesh:

Në orën 8:20, Ngritja e Flamurit te Republikës së Kosovës;

Në orën 8:30, Nderime te Monumenti i të Pagjeturve

Në orën 09:00, Homazhe te varri i Presidentit historik Dr. Ibrahim Rugova;

Në orën 09:10, Homazhe te varri i veprimtarit Adem Demaçi;

Në orën 10:15, Homazhe në Kompleksin Memorial “Adem Jashari”, në Prekaz;

Në orën 11:45, Nderime te Monumenti “Heroinat”;

Në orën 12:00, Parakalimi i Trupave të Forcës së Sigurisë së Kosovës dhe Policisë së Kosovës, Prishtinë

Në orën 18:00, Pritje shtetërore nga Presidentja, Kryeparlamentari dhe Kryeministri i Republikës së Kosovës.

Agjenda e Kryeministrit:

Agjenda e aktiviteteve për shënimin e 17-vjetorit të Pavarësisë së Kosovës.

Aktivitetet:

– 8:00 – Mbahet Mbledhja Festive e Qeverisë së Republikës së Kosovës, me rastin e shënimit të shtatëmbëdhjetë (17) vjetorit të Pavarësisë.

– 8:20 – Ngritja solemne e flamurit të Republikës së Kosovës

– 8:30 – Nderime te Monumenti i të Pagjeturve dhe Memoriali i Fëmijëve të vrarë

– 9:00 – Homazhe te varri i ish Presidentit Dr. Ibrahim Rugova

– 9:10 – Homazhe te varri i veprimtarit Adem Demaçi

– 10:15 – Homazhe në Kompleksin Memorial “Adem Jashari”

– 11:45 – Nderime te Monumenti “Heroinat”

– 12:00 – Parakalimi i Trupave të Forcës së Sigurisë së Kosovës

– 16:00-16:20 – Konferenca e parë shkencore për krimet e kryera gjatë luftës në Kosovë, amfiteatri i Institutit të Historisë.