Kryetari i Partisë Demokratike të Kosovës, Memli Krasniqi, ka pritur sot në iftar delegacionin e Bashkësisë Islame të Kosovës, të prirë nga Myftiu Naim Tërrnava.

Në këtë takim tradicional, Krasniqi theksoi rëndësinë e muajit të Ramazanit si periudhë reflektimi, afrimi dhe përkushtimi ndaj vlerave të solidaritetit dhe mirësisë.

“Kjo është një periudhë e çmuar e vitit që na kujton vlerat e solidaritetit, mirësisë dhe unitetit – parime që na bëjnë më të fortë si shoqëri,” u shpreh ai.