Guvernatori i Bankës Qendrore të Kosovës, Fehmi Mehmeti, ka arsyetuar vendimin për rritjet e çmimit për 26% për sigurimin e veturave.

Ai në një konferencë të mbajtur tha se ky vendim është marrë për të mbrojtur mbajtësit e polisave, shkruan Reporteri.net.

Kurse zv.guvernatori Sokol Havolli, tha se ky vendim për rritjen e tarifave, u bë për mbrojtje të klientëve.

“Duhet të kemi sektor të shëndetshëm të sigurimeve, kompanitë e sigurimeve duhet të jenë të gatshme të mbulojnë obligimet ndaj qytetarëve e të mos mbesin borxh”, tha ai.

Kujtojmë se sot Shoqata e Sigurimeve të Kosovës përmes një komunikate tha se kanë kërkuar rritjen e çmimit pasi kompanitë e sigurimeve janë në gjendje të rëndë financiare.

Por ashpër ndaj këtij vendimi kanë reaguar qytetarët të cilët nesër dhe pasnesër do të mbajnë protesta në shenjë kundërshtimi.

/Reporteri.net/.