Ambasadorët e e pesë vendeve të QUINT-it: SHBA, Mbretëria e Bashkuar, Italia, Gjermani dhe Franca sot i kanë shkuar në zyrë kryeministrit të Kosovës në detyrë, Albin Kurti.
Siç merr vesh gazeta online Reporteri.net temë e këtij takimi pritet të jetë edhe kriza institucionale në Kosovë e krijuar pas zgjedhjeve të 9 shkurtit.
Po ashtu në takim pritet të diskutohet edhe për zhvillime të tjera të aktualitetit në vend dhe gjendja e sigurisë në veri të vendit.
Ndonëse, kanë kaluar më shumë se tre muaj nga zgjedhjet e 9 shkurtit dhe gati një muaj nga fillimi i seancës konstituive, Kuvendi i Kosovës ende nuk është konstituar.
Të dielën dështoi edhe tentativa e 14-të për formimin e këtij institucioni./Reporteri.net/.
Ka përfunduar takimi ndërmjet kryeministrit në detyrë Albin Kurti dhe ambasadorëve të vendeve të QUINT-it.
Siç raportoi gazeta online Reporteri.net temë e këtij takimi pritej të ishte edhe kriza institucionale në Kosovë e krijuar pas zgjedhjeve të 9 shkurtit, situata e sigurisë në veri të vendit dhe tema të tjera të aktualitetit.
Zyra e Kryeministrit ende zyrtarisht nuk ka njoftuar për takimin.
Gazeta online Reporteri.net nga vendi i ngjarjes solli pamje teksa ambasadorët e QUNIT-it po dilnin nga takimi. Ata u panë tek bisedonin me njeri-tjetrin, për disa minuta, në oborrin e Qeverisë së Kosovës, për tu larguar më pas.
Ndonëse, kanë kaluar më shumë se tre muaj nga zgjedhjet e 9 shkurtit dhe gati një muaj nga fillimi i seancës konstituive, Kuvendi i Kosovës ende nuk është konstituuar.
Të dielën dështoi edhe tentativa e 14-të për formimin e këtij institucioni./Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
