Kryeministri i vendit, Avdullah Hoti, i është kundërpërgjigjur sot kreut të AAK-së, Ramush Haradinaj, pas kritikave të këtij të fundit se ministrat e partisë së tij po i lë jashtë tavolinës së bisedimeve.

Hoti prerazi ka thënë se është ai që e përfaqëson krejt qeverinë në tryezën e bisedimeve.

“Kur unë kryesoj delegacionin përfaqësoj qeverinë, edhe AAK-në edhe NISMA-n edhe partnerët tjerë të koalicionit. AAK-ja është e përfaqësuar përmes meje në procesin e dialogut”, ka thënë Hoti në konferencë për media pas mbledhjes së qeverisë, shkruan Reporteri.net.

Ai ka thënë se nga shpallja e pavarësisë nuk ka pasur Kosova asnjëherë vëmendjen kaq të madhe dhe se qeveria e tij i ka dyer e hapura në Uashington, Bruksel në NATO.

Ai ka thënë se qeveria e tij nuk ka hyrë në dialog për të bërë lojëra. /Reporteri.net/.