Kryeministri Avdullah Hoti ka thënë se nuk i ka lexuar aktakuzat ndaj Hashim Thaçit, Kadri Veselit, Rexhep Selimit e Jakup Krasniqit.

Hoti  tha se nuk i ka lexuar këto aktakuza në detaje por vetëm pjesërisht.

“Jo tërësisht por pjesën më të madhe, pa detaje. Tash është mirë që t’i lëmë organet e drejtësisë ta kryejnë punën e tyre. Nuk mund të gjykohet lufta e popullit të Kosovës për liri e pavarësi”, tha në emisionin Pressing në T7.

Kryeministri shtoi Specialja u krijua për të hetuar trafikimin e organeve, tash nuk përmendet askund.

Megjithatë, Hoti ka thënë se duhet lënë organet e drejtësisë të bëjnë punën e tyre.

“Duhet t’i lejmë që organet e drejtësisë të bëjnë punën e vet. Nuk mund të gjykohet lufta e popullit të Kosovës për liri”, tha ai.

Hoti tha se qeveria e tij po tregon maturinë e nevojshme shtetërore dhe për këtë po përgëzohet nga ndërkombëtarët.

Ndërsa lidhur me vrasjet e zyrtarëve të LDK-së, pohoi se ato duhet të ndriçohen.
“Çdo vrasje, kushdo qoftë duhet të zbardhet deri në fund”, tha ai. /Reporteri.net/.