Kryeministri i Maqedonisë së Veriut, Zoran Zaev ka shkruar për vdekjen e aktorit të njohur shqiptar, Luran Ahmetit.

Ai përmes një postimi në Facebook ka thënë se vdekja e Luranit la pas gjurmë të thella në skenën e teatrit.

“Lajmi për vdekjen e një prej aktorëve më të talentuar të Teatrit Shqiptar Luran Ahmeti është thellësisht shqetësues. Luran u largua, por la pas gjurmët e thella në skenën e teatrit dhe personazhet për t’u kujtuar në më shumë projekte të huaja filmike dhe televizive”, ka shkruar Zaev.

Aipoashtu shprehi ngushëllime për vdekjen e aktorit të njohur.

“I shpreh ngushëllimet e mia më të përzemërta familjes në këto momente pikëllimi të thellë. Pusho në paqe Luran”,shtoi Zaev.

Luran Ahmeti vdiq dje pas një infektimi me koronavirus. Për vdekjen e tij, shkruajtën shumë artistë e miq të tij, të cilët ishin të befasuar dhe nuk i besonin e vdekjes së tij.

Ahmeti vdiq në moshën 46-vjeçare.