Kryeprokurori i Prokurorisë Themelore në Ferizaj, Burim Çerkini në konferencën e mbajtur për vrasjen e rreshterit M.Lika ka thënë se dy persona të panjohur janë të dyshuar për këtë akt, shkruan Gazeta Online Reporteri.net.

Ai tha se vrasja ndodhi kur rreshteri Lika po kthehej nga puna për në shtëpi, e saktësisht në shkallët e banesës së tij.

“Rreth orës 23:00 në vendin Kaçanik, nga persona të panjohur është vrarë pjesëtari i Policisë së Kosovës, rreshteri ML. Në kohën kur ka ndodhur rasti ka qenë duke u kthyer nga puna dhe në momentin e shkuarjes në banesën e tij, në shkallët e ndërtesës nga persona të panjohur për momentin është qëlluar dhe nga plagët ka ndërruar jetë. Nga provat materiale, shihet që aktin e kanë kryer dy persona e që për momentin largohen nga vendi i ngarjes””, tha Çerkini në konferencë.

Çerkini tha para gazetarëve se s’ka të arrestuar dhe si Prokurori s’i dinë ende motivet që mund të kenë çuar në këtë vrasje makabër.

“Deri më tani ne nuk kemi persona të arrestuar për këtë çështje penale”, shtoi tutje ai.

“Ka pas intervista, marrje në pyetje të persoanve që kanë mundur të japin informacione të rëndësishme, por deri tani ne nuk dijmë arsyen apo edhe motivin që ka çuar deri në këtë rast makabër”, tha Çerkini.

/Reporteri.net/