Sejdi Hoxha është ngjitur në krye të PDK’së në bastionin e partisë. Ai ka marrë 130 vota, ndërsa Naim Bazaj 76. Ndërsa Kushtrim Prenku ka marrë vetëm 40 vota.

Udhëheqësi i Postës, Sejdi Hoxha, pritet të japë dorëheqje nga udhëheqja e kompanisë publike pasi sot është votuar për Kryetar të PDK-së në Drenas.

Në zgjedhjet e brendshme të kësaj partie në Drena që janë mbajtur sot, Hoxha ka arritur të fitoj bindshëm duke marrë kështu timonin e PDK-së në bastionin e saj, Drenasin.

Ai ka fituar 130 vota në garën për të parin e partisë. Kandidati tjetër, Naim Bazaj, i ka marrë 76 vota. Vetëm 40 i ka marrë Kushtrim Prenku.

Ditë më parë, Naim Bazaj kishte thënë se në këtë garë e ka përkrahjen e Kadri Veselit. I ka quajtur parashutistë kundërkandidatët e tij.